అమలాపురం పట్టణానికి ఆ పేరు ఎందుకు వచ్చింది ??

కోనసీమ అనగానే మనకు వెంటనే కొబ్బరి చెట్లు, పచ్చని పంట పొలాలు గుర్తుకు వస్తాయి. కోనసీమలో ముఖ్య పట్టణమైన అమలాపురం, ఇప్పుడు జిల్లా కేంద్రంగా కూడా భాసిల్లుతోంది. ఒకప్పుడు అమలాపురం పట్టణానికి అమృతపురి, అమ్లీపురి అనే పేర్లు ఉండేవి.

కాలక్రమంలో అది అమలాపురంగా రూపాంతరం చెందడానికి ఒక ముఖ్య కారణం: ఇక్కడ నెలకొన్న శ్రీ అమలేశ్వర స్వామివారే అని చాలా మంది భావిస్తారు.

శ్రీ అమలేశ్వర స్వామివారి దేవాలయం పట్టణ శివారులో ఉన్న రోళ్ళపాళెం అనే గ్రామంలో ఉన్నది. అమలేశ్వరీ సమేత శ్రీ అమలేశ్వర స్వామివారి ఆలయం ఒక తోట మధ్యలో, ఆహ్లాదకరమైన వాతావరణంతో చాలా ప్రశాంతంగా ఉంటుంది.

ఇంట్లోనే శివ అభిషేకం: @nciently - Brass Shivling Mini - 5.5L x 4W x 5H cm, 175 gms

Advertisement*

ప్రధాన ఆలయంలో అమలేశ్వర స్వామివారికి కుడిపక్కన వినాయకుడు, ఎడమ పక్కన అమలేశ్వరీ అమ్మవారికి రెండు వేర్వేరు మందిరాలు ఉంటాయి. ఈ ఆలయానికి ఎన్నో వేల సంవత్సరాల చరిత్ర ఉన్నట్లుగా తెలుస్తోంది. మహాభారత కాలంలో ద్రౌపదిదేవి ఈ అమలేశ్వర స్వామివారిని అర్చించినట్లుగా చెబుతారు.

| అదనపు సమాచారం: ఒక్క నారికేళం సమర్పించినంతనే కోరిన కోర్కెలు తీర్చే దేవుడిగా ప్రసిద్ధికెక్కిన ఆలయం అమలాపురం దగ్గరిలో ఎక్కడ వుంది?

ప్రధాన ఆలయానికి వెలుపల చండీశ్వరుడు, నాగదేవతలు, ఆంజనేయ స్వామి మొదలైన పరివార దేవతలను దర్శించుకోవచ్చు. కార్తీక మాసంలో, అలాగే మహా శివరాత్రి పర్వదినాల్లో ఇక్కడ ప్రత్యేక పూజలు, అభిషేకాలు జరుపుతారు.

ఓం శ్రీ అమలేశ్వర స్వామియే నమః !! మనిషి యొక్క ఊహా శక్తి చాలా అతీతమైనది. ఈ బ్లాగ్ చదువుతున్నప్పుడు, నేను చెప్పిన విషయాలపై మీ మస్తిష్కంలో కొంత ఊహ తప్పకుండా ఏర్పడి ఉంటుంది. ఆ విషయాలు వీడియో రూపంలో ఎలా ఉంటాయో చూడాలంటే ఈ లింక్ నొక్కండి !!